ULENDO WOYAMBA
PHUNZIRO 6
Kulimba Mtima
Mfundo yaikulu: “Tinalimba mtima mothandizidwa ndi Mulungu wathu kuti tikuuzeni uthenga wabwino wa Mulungu.”—1 Ates. 2:2.
Zomwe Yesu Anachita
1. Onerani VIDIYO, kapena werengani Luka 19:1-7. Kenako kambiranani mafunso otsatirawa:
Zomwe Tikuphunzira kwa Yesu
2. Tiyenera kukhala olimba mtima kuti tilalikire uthenga wa Ufumu kwa aliyense.
Zomwe Mungachite Potsanzira Yesu
3. Muzidalira Yehova. Mzimu wa Mulungu unamupatsa Yesu mphamvu kuti alalikire. Ifenso ungatipatse mphamvu. (Mat. 10:19, 20; Luka 4:18) Muzipempha Yehova kuti akuthandizeni kukhala olimba mtima kuti mukwanitse kulalikira anthu omwe mukuchita nawo mantha.—Mac. 4:29.
4. Musamaweruze anthu. Tingamazengereze kulalikira anthu ena chifukwa cha maonekedwe awo, chuma chawo, mmene amakhalira kapena chifukwa cha zomwe amakhulupirira. Komabe muzikumbukira kuti:
5. Muzilimba mtima komanso kuchita zinthu mosamala. (Mat. 10:16) Musamakangane ndi anthu. Ngati munthuyo sakufuna kumvetsera uthenga wabwino kapenanso ngati mukuona kuti moyo wanu uli pangozi, chokanipo mwaulemu.—Miy 17:14.
