BƆĀTƐ̄ KƆNIA UE
6 NUENƆ
Mɛm
Daakuu Baibol: “I bee ɛrɛ e’aga nyiɛ bu i Bari lo ezue le yereue Bari i nɛ.”—1 Tɛs 2:2.
Nu Jizɔs Bee Doo
1. Si ee lo VIDIO, ale o buū Luk 19:1-7. Lɛɛ o agara pya ebip a nyɔɔnɛ ama:
Ena I Nɔ Aāloo Jizɔs A?
2. I gbī e’agaloo ezuema le yereue bu sīdee ii ɛp sī nɛɛ.
Nɔ Jizɔs
3. Dɛɛa nyɔɔ Jɛhova. Kaɛ edɔɔ̄ Bari bee yerebah nɛ Jizɔs kɔ a dap zue ue, e a dapnage yerebah nɛ olo. (Mat 10:19, 20; Luk 4:18) Bara Jɛhova kɔ a nɛ a mɛm ezuema ue nɛ pya nɛɛ o ɛrɛ bɔɔ loo.—Doonu 4:29.
4. O aa nwaabah biaɛ pya nɛɛ. Kɛ̄ nɛɛ mɛā doo, buā kpugi a ɛrɛ, kɛ̄ a tɔɔ̄dum doo ale ye sīdee yigabari dap doo kɔ i aa ye kɔ ue nɛ. Mɛ nyɛŋiabu kɔ:
5. Ɛrɛ mɛm sa o ɛrɛnage enwadɛɛ̄ sa nwaɛdɛɛ̄. (Mat 10:16) O aa nyɔɔnɛ pya nɛɛ amkɛ̄. Yere kuma loo lo ue lo nɛɛ o gaa zue ue nɛ naa gbī egbaɛ̄ a tɔ̄ loo ale lo lo kɛ̄ naa su a loo ale o muɛ kɔ tɔɔ̄ lo kɛ̄ dap a yere bu taāŋa.—Kam 17:14.
