FU̱DI GI ÑÄUI YÄ JÄꞌI
RÄ LECCIÓN 6
Ogi tsu
Näꞌä udi rä Mäkä Tꞌofo: «Äjuä bi rꞌakhe rä tsꞌe̱di pa dä xiꞌähe rä mäkä noya» (1 Tes. 2:2).
Näꞌä bi me̱fi rä Hesu
1. Hyandi rä BIDEO o hñeti Lucas 19:1-7. ꞌNepu̱ thädi nuya yä ntꞌani:
¿Te utkägihu̱ rä ejemplo rä Hesu?
2. Pa dä za gä utihu̱ gatꞌho yä zi jäꞌi de rä Noya Äjuä ja mꞌe̱di hingä ntsuhu̱.
De̱mbäbi rä ejemplo rä Hesu
3. Pe̱ꞌspäbi rä komfiansa Jeoba. Äjuä bi usa rä mäkä rä tsꞌe̱di pa bi umbäbi rä balo rä Hesu ꞌne bi za bi ungä ntꞌo̱de de rä Noya. Mäpaya ꞌnehe, Äjuä xa promete dä rꞌaꞌi rä mäkä tsꞌe̱di pa dä za gi predika ko rä balo (Mat. 10:19-20; Luc. 4:18). Yꞌapäbi rä Zi Dada Jeoba dä maxꞌäꞌi pa hingi ntsu ꞌne dä za gi predikabi yä zi jäꞌi (Hech. 4:29).
4. Ogi huahnitho yä jäꞌi. Rꞌabu̱ di jakägihu̱ xä ñhei gä predikabihu̱ rꞌa yä jäꞌi po yä mꞌai, yä hee, yä jamfri o po märꞌa yä raso. Pe beni nuya yoho yä punto:
5. Usa ri juisio (Mat. 10:16). ꞌÑudi rä tꞌekꞌei ꞌne ogi honi yä thuhni. Mu̱ gi handi ge näꞌä jäꞌi hingi ne dä ñä kongeꞌi o hinte ne dä bädi, ko rä tꞌekꞌei xipäbi ge ya ma gi ma ꞌne ꞌñedi de geꞌä (Prov. 17:14).
