DEKEXIʼIN DENICHJEʼENA
LECCIÓN 6
Dexrauʼan
Thi tjago Biblia: “Ixi Ndo Dio kuengijnaná, xrauʼaná para nichja̱ʼara de juajna jian” (1 Tes 2:2, NWT).
Thi juincheʼe Jesús
1. Detsjeʼe VIDEO o denchelee Lucas 19:1-7. Kuthejan degariʼi dexraxaun ngai thi xranchangi teʼi:
Keʼe tanginá de thi juincheʼe Jesús
2. Rugunda ke ruxrauʼaná para runichjaná de juajna jian ngai kainxin chujni.
Dencheʼe xraa Jesús
3. Dechunthia ngai Jehová. Nchauʼen Dio binchesuji Jesús para bikao juajna jian, ko kai nchao senthasuji suixin (Mat. 10:19, 20; Luc. 4:18). Deganchieʼe Jehová ke sekengijna para sexrauʼan ko jaña nchao senichjeʼe chujni ke menxun dexraguʼen (Hech. 4:29).
4. Dexraxauʼan thi ndakuaʼa jii de jeʼena. Te bee tángi tunuana nichjeená inchi chujni ixi kexrein tetsjeʼena, ixi tumi o xrá ke chundana, ixi kexrein techuna o religión ke chundana. Aro dexraxaun:
5. Dexrauʼan aro dekjiuʼo cuidado (Mat. 10:16). Chrjuin denichjeʼena ko deketukuʼana. Si degikun ke chujni rinauʼa tsiʼin o si tángi tajideʼe, nchao dendachena ke icha jian inaa nchaʼun sekjan (Prov. 17:14).
