گل بات شروع کرنا
لُوقا 19:1-7
سبق نمبر 6
دلیری نال گل کرو
اصول: اَسی خدا دی مدد نال ہمت وکھائی تاکہ سخت مخالفت دے باوجود توانوں خدا دی خوشخبری سُنا سکئے۔—1-تھسلُنیکیوں 2:2۔
یسوع دی مثال
1. ویڈیو ویکھو یاں لُوقا 19:1-7 نُوں پڑھو۔ فیر ایہناں سوالاں تے غور کرو:
اَسی یسوع دی مثال توں کیہہ سکھنے آں؟
2. سانوں ساریاں نُوں خدا دی بادشاہی دا پیغام سنان لئی دلیری دی لوڑ اے۔
یسوع دی مثال تے عمل کرو
3. یہوواہ توں مدد لوو۔ یہوواہ دی پاک روح توں یسوع نُوں مُنادی کرن دی طاقت ملی تے توانوں وی مِل سکدی اے۔ (متی 10:19، 20؛ لُوقا 4:18) یہوواہ کولوں دلیری منگو تاکہ تُسی پورے اعتماد نال اوہناں لوکاں نُوں پیغام سُنا سکو جنہاں توں توانوں ڈر لگدا اے۔—اعمال 4:29۔
4. کسے بارے پہلاں توں رائے قائم نہ کرو۔ شاید اَسی کسے دی شکل صورت، گھر بار، رہنسہن یاں اوہدے عقیدیاں دی وجہ توں اوہدے نال گل کرن توں جھجک محسوس کریئے۔ پر یاد رکھو:
5. دلیری نال گل کرو پر سمجھداری تے عزت وکھانا نہ بھلو۔ (متی 10:16) بحث نہ کرو۔ جے کوئی ساڈی گل نئیں سُننا چاہندا، ساڈے پیغام نُوں قبول نئیں کردا یاں سانوں لگدا اے کہ سانوں کوئی خطرہ اے تے پیار نال اپنی گل بات ختم کرو تے اوتھوں چلے جاؤ۔—امثال 17:14۔
ایہناں ایتاں نُوں وی ویکھو:
اعمال 4:31؛ اِفسیوں 6:19، 20؛ 2-تیمُتھیُس 1:7
