TEPIDA KOASOIONG EMEN
IREN MEHN KASUKUHL 6
Eimah
Ire Mehlel: ‘Koht ketikihong kiht eimah pwe sen padahkihong kumwail rongamwahwo.’—1 Des. 2:2.
Dahme Sises Ketin Wia
1. Kilang KISIN KASDO, de wadek Luk 19:1-7. Mwuri koasoiapene peidek pwukat:
Dahme Kitail Sukuhlkihsang Sises?
2. Kitail uhdahn anahne eimah pwehn kalohki rongamwahu en Wehio ong aramas koaros.
Kahlemengih Sises
3. Koapworopworki Siohwa. Sapwellimen Koht manaman ketikihong Sises kehl me e ketin anahne pwehn kalohk, oh manaman wet pil kak seweseiuk. (Mad. 10:19, 20; Luk 4:18) Peki Siohwa en ketikihong uhk eimah pwe ken kak kalohk ong irail akan me ke kakete masak koasoiong.—Wiewia 4:29.
4. Dehr kadeik aramas mwohn omw eseirailla. Ele kitail pahn pweieksang koasoiong ekei aramas pwehki mwomwarail, ma irail lapalap de kepwehpwe, de mwomwen arail mour, de arail pelien lamalam. Ahpw tamataman:
-
Siohwa oh Sises kak ketin mwahngih audepen mohngiong kan; a kitail sohte kak.
-
Kitail en dehr medewe me mie aramas me sohte kak ale sapwellimen Siohwa sawas.
5. Ken eimah, ahpw ke pil anahne kin kanahieng oh kasalehda wahu. (Mad. 10:16) Dehr akamai. Ma aramaso sohte men rong rongamwahwo de ma ke pehm me e pahn keper ong uhk, eri song kanekehla omw koasoio ni wahu.—Lep. Pad. 17:14.
