KUMSA KOMBERSA
LISON 6
Sedu koraẑosu
Prinsipiu di Biblia: “No Deus danu koraẑen pa konta bos si Bon Noba.” — 1 Tes 2:2.
Ke ku Jesus fasi
1. Jubi VIDEO, o lei Lukas 19:1-7. Dipus pensa diritu nes purguntas:
-
Ke ku manda alguns jintis ta kuriba di Zakeu?
-
Mesmu asin, ke ku leba Jesus na kontal bon noba?
Ke ku no aprindi di Jesus?
2. No pirsisa di koraẑen pa konta tudu jintis bon noba.
Kopia isemplu di Jesus
3. Fiansa na Jeova. Spiritu santu di Deus ku da Jesus forsa pa prega, es spiritu pudi dau tambi forsa pa prega. (Mat 10:19, 20; Luk 4:18) Pidi Jeova koraẑen pa prega kilis ku talves bu medi papia ku el. — At 4:29.
4. Ka bu pensa kuma alguns jintis ka na obi. Talves no ka misti papia ku algin pabia di si aparensia fisiku, kin ki i sedu, si tene diñeru o i ka tene, pabia di si stilu di vida o pabia di si riliẑion. Ma i bon pa no lembra di kuma:
-
Jeova ku Jesus pudi sibi ke ku sta na korson di algin, ma anos no ka pudi.
-
Tudu jintis pudi benefisia di miserikordia di Jeova.
5. Sedu koraẑosu, ma mostra tambi rispitu i sedu jiru. (Mat 10:16) Ivita diskutison. Kabanta kombersa ku rispitu si kontra algin ka misti obi bon noba, o si bu sinti di kuma bu sta na pirigu. — Dit 17:14.
