PARLAYTA QALLARIY
LECCIÓN 6
Ama manchachikuychu
Bibliaj yuyaychasqan: “Diostajrí kallpachawarqayku, sumaj willaykunata mana manchachikuspa qankunaman willanaykupaj” (1 Tes. 2:2).
Jesuspa ruwasqan
1. VIDEOTA qhawariy chayri Lucas 19:1-7 leeriy. Chantá kay tapuykunapi tʼukuriy:
¿Imatá Jesusmanta yachakunchej?
2. Mana manchachikojkuna kananchej kasqanta Diospa Gobiernonmanta tukuyman willanapaj.
Jesús jina ruway
3. Jehovapi atienekuy. Diospa espiritonqa Jesusman kallpata qorqa predicananpaj, qanmanpis kallpata qollasonqataj (Mat. 10:19, 20; Luc. 4:18). Ichapis wakin runasman willayta manchachikunki, paykunata mana manchachikunaykipajqa Jehovamanta kallpata mañakuy (Hech. 4:29).
4. Ama wajkunamanta mana allinta yuyaychu. Wakin kutisqa wakin runasman mana chimpayta munallanchejchu rijchʼayninta qhawarispa, qhapaj chayri wajcha kasqanta reparaspa, manachayri imayna kausayniyojchus kasqanta, ima religionniyojchus kasqanta reparaspa. Jinapis kayta yuyarikuy:
5. Mana manchachikoj kaspapis sumaj yuyayniyoj kay (Mat. 10:16). Wajkunata respetay, amataj paykunawan churanakuychu. Sichus manaña uyariyta munasqanta reparanki chayqa, kʼachallamanta paywan parlayta tukuchay. Ajinallatataj ruway ripunayki kasqanta reparanki chayqa (Pro. 17:14).
