CHAMAJIJ TZIJONEM
KʼUTUNEM 6
Kowil kʼuʼxaj
Pixabʼ re ri Biblia: «Ri qaDios xujutoʼ che utzijoxik ri utzij re kolobʼal ibʼ chiwe, man xqaxeʼj ta qibʼ» (1 Tes. 2:2).
Ri xubʼan ri Jesús
1. Chawilaʼ ri VIDEO o chasikʼij uwach Lucas 19:1-7. Tekʼuriʼ chawilaʼ ri preguntas riʼ:
¿Jas kqetaʼmaj chrij ri Jesús?
2. Kajwataj ukowil qakʼuʼx rech kqatzijoj ri utzij ri Dios chke konojel winaq.
Chabʼanaʼ awe ri xubʼan ri Jesús
3. Chqakubʼsaj qakʼuʼx chrij ri Jehová. Ri uxlabʼixel re ri Dios xuya uchuqʼabʼ ri Jesús rech xutzijoj ri utzij ri Dios, xuqujeʼ kuya achuqʼabʼ at (Mat. 10:19, 20; Luc. 4:18). Chataʼ ukowil akʼuʼx che ri Jehová rech katkunik katzijoj ri utzij chke ri winaq che kaxeʼj awibʼ chke (Hech. 4:29).
4. Xa ta keʼachaʼ ri winaq ri kattzijon kukʼ. Weneʼ jujun taq mul rajawaxik kqakoj más qachuqʼabʼ rech kojtzijon kukʼ ri e winaq che e qʼinomabʼ o kʼo más ketaʼmabʼal, rumal ri ubʼanik ri kikʼaslemal, ri kikojonem o ri kibʼantajik. Are kʼu chnaʼtaj chawe:
5. Chkʼol ukowil akʼuʼx are kʼu chakojoʼ utz chomanik (Mat. 10:16). Nim cheʼawilaʼ wi ri e winaq y katchʼojin ta kukʼ. We kawilo che ri winaq kraj taj ktzijonik o kaxibʼij jubʼiqʼ awibʼ rumal ri weneʼ kkʼulmatajik, are utz che katanabʼa kan ri tzijonem rukʼ utz taq tzij (Prov. 17:14).
