PARLANACUSHPA CALLARI
YACHAI 6
Ama manchashpa huillai
1 Tesalonicenses 2:2-pica: “Mana manchashpa huillangapajca Diosllatajmi ñucanchijta ayudarca” ninmi.
¿Jesusca imatataj rurarca?
1. VIDEOTA ricui. Mana cashpaca Lucas 19:1-7-ta liyipai. Qꞌuipaca cai catij tapuicunapi yuyai:
¿Jesuspaj ejemplomantaca imatataj yachanchij?
2. Tucuicunaman Diospaj Gobiernomanta huillangapajmi mana manchajcuna cana canchij.
Jesús shina rurai
3. Jehovapi confiai. Ima shinami Diospaj espíritu Jesusta predicachun ayudarca, chashnallatajmi ñucanchijtapish ayudanga (Mateo 10:19, 20; Lucas 4:18). Chaimanta mana manchashpa tucuicunaman predicangapaj Dios ayudachun mañai (Hechos 4:29).
4. Ama pita juzgai. Pobrecunata, charijcunata, shujtaj religionmanta cajcunata, shujtaj costumbreta charijcunatapish, “mana uyasha ningachu” nishpaca mana juzganachu cangui. ¿Imamantataj mana juzgana cangui?
5. Manso shungu, alli yuyaiyuj cai (Mateo 10:16). Respetota ricuchishpa pihuan mana pꞌiñarishpa rimanacunachu cangui. Peligropi cashcata cuentata cushpa o huasiyuj mana parlasha nijpica respetohuanmi parlanacushcata saquina cangui (Proverbios 17:14).