VAREKAHA CHUDES E DUMA
LEKCIJA 6
Av odvažno
O tekstos, savo amen ľidžal: „O Del amenge diňa zor, kaj te na daras a te vakeras tumenge e lačhi sprava.“ (1. Tes. 2:2)
O Ježiš oda kerelas avka
1) Dikh tuke o VIDEJO abo pregen Lukaš 19:1–7. Paľis tuke rozkide kala otazki:
So sikhľuvas le Ježišostar?
2) Te sam odvažna, džanas te vakerel e lačhi sprava pal o kraľišagos dojekhe manušeske.
Ker avka sar o Ježiš
3) Zmukh tut pro Jehovas. Le Jehovaskeri zor pomožinďa le Ježišoske te zvestinel a pomožinela the tuke. (Mat. 10:19, 20; Luk. 4:18) Mang le Jehovas vaš e zor, kaj te vakeres the ajse manušenca, savendar tu daras. (Sk. 4:29)
4) Ma sudzin anglal. Varekana pes šaj ačhel, hoj pes odcirdas te vakerel le manušenca. Bo nane amenge pre dzeka sar dičhon avri, abo hoj hine barvale, abo čore, abo sar dživen, abo andre soste paťan. Aľe ma bister pre oda:
5) Av odvažno, aľe tiš de pozoris. (Mat. 10:16) Ňigda tut ma vesekedin andre služba. Te dikhes, hoj o manuš tuha na kamel te vakerel abo dikhes, hoj pes šaj ačhel vareso nalačho, šukares tut rozlučin a dža het. (Prisl. 17:14)
MEK TUKE DIKH
Sk. 4:31; Ef. 6:19, 20; 2. Tim. 1:7