Yesuusi Assinore

Yesuusi Assinorinni Maa Ronseemmo?

2. Maganu Gashshooti halaale mannaho mallaandummokki kulate bashshi yineemmokkire ikka hasiissannonke.

 Yesuusi Faale Hadhe

3. Yihowa addaxxe. Yesuusi sabbakanno gede wolqa ikkinosihu, Maganu ayyaanaati; kuni ayyaani kiˈnerano wolqa ikkannoˈne. (Mat. 10:19, 20; Luq. 4:18) Laˈineenna waajjishannoˈne mannira farciˈrate jawaante aannoˈne gede Yihowa huuccidhe.—Soq. 4:29.

4. Balaxxine manna togooho yitinoonte. Mito woyite manna aanansa, noonsare, heeshshonsa gara, woy ammaˈnonsa laˈne coyishiishate hobbi ruxxi yinammora dandiineemmo. Ikkirono qaaga hasiissannonkeri no:

1.    Mannu wodanita afa dandiitannori Yihowanna Yesuusaati; ninkera hatti dandoo dinonke.

2.   Yihowa kaaˈla dandaannokki manchi dino.

5. Bashshi assa hoogano agurranna hayyichanna xiinxalla ikkano hasiissanno. (Mat. 10:16) Mannu ledo heewisantinoonte. Manchu macciishsha hasiˈrannokkiha ikkiro, woy gawajjaˈnera dandaannori nooha lawiˈnero hasaawa shaqqillunni uurrisse.—Law. 17:14.