MAHAIZA MANOMBO-DRESAKY
FIANARA 6
Manàna Fahasakia
Torolala: “Nampeani-Ndranaharintsika iny hahasaky hitory ty vaovao soa taminareo [zahay].”—1 Tes. 2:2.
Ino ty Nataoni-Jesosy?
1. Henteo VIDEO io, na vakio Lioka 19:1-7. Bakeo diniho fanontanea retoa:
Ino ty Ianarantsika Baka amy Jesosy?
2. Mila mana fahasakia tsika mba hitoria ty vaovao soa amin’olo iaby.
Tahafo Jesosy
3. Miantehera amy Jehovah. Nampiasa ty fanahiny Jehovah mba hanampea ani-Jesosy hahasaky hitory. Afaky manampy anao hahasaky hitory koa ie. (Mat. 10:19, 20; Lioka 4:18) Angataho Jehovah hanome herim-po anao laha misy olo tsy sakinao itoria.—Asa. 4:29.
4. Ka mitsaratsara olo. Mety hisalasala hiresaky amin’olo sisany tsika lafa mahita ty pozipoziny, ty pilasy misy azy, ty fomba fiainany, na ty fivavahany. Fe tiarovo zao:
-
Jehovah noho Jesosy ro afaky mahita ty am-pon’olo any fa tsika tsy manahaky ani-zay.
-
Tsy tokony hieritseritsy tsika hoe misy olo sisany tsy maeva hampeani-Jehovah.
5. Manàna fahasakia fe mahaiza mandanjalanja. (Mat. 10:16) Ka tea mialy hevitsy. Tampero resaky iny laha tsy ta hijanjy anao olo iny na tsapanao hoe mety ho azon-doza iha. Fe miezaha hanaja azy lafa manao ani-zay.—Ohab. 17:14.
HENTEO KOA
Asa. 4:31; Efes. 6:19, 20; 2 Tim. 1:7
