Manàgna Herim-po Ndra tie Matahotse aza Rehe

MANDEFA

Toro lalagne: ‘Nisikigne herim-po tamy ty alalan’Andrianagnaharentikagne mba hitory tama’areo i talily soay zahay.’—1 Tes. 2:2.

Akore ty Nampisehoa i Jesosy Izay?

VIDEO: Mitory amy i Zakaiosy ty Jesosy

1. Henteo i VIDEO oy ndra vakio ty Lioka 19:1-7, le valeo ty fagnonteneagne retoagne:

Inogne iaby ty raha va’e nahavy ty ndaty ila’e nalaigne i Zakaiosy?
Faie inogne ty anto’e nahavy i Jesosy nitory i talily soay tama’e?

Ino ty Ianarantikagne Boake amy i Jesosy?

2. Mila managne herim-po tikagne mba hitoriagne ty hafatse miomba i Fanjakagney amy ze kila ndaty.

Tsikombeo ty Jesosy

3. Miantehera amy i Jehovah. Nampea i Jehovah tamy ty alala i fagnahy masi’ey ty Jesosy mba hanagne herim-po hitoriagne. Afake magnampe azo hanagne herim-po ka Reke. (Mat. 10:19, 20; Lioka 4:18) Angataho ty Jehovah hagnomey azo herim-po mba hahafaha’o hitory amy ze ndaty atahora’o.—Asan’ny Apostoly 4:29.

4. Ko mitsaratsara. Va’e hamparikarike antika ty hirehake amy ty ndaty ila’e naho fa itika mahatrea ty pozipozy iareo, ty toeragne tana’e amo o fiaraha-monegneo, ty fanagna iareo, naho ty fomba fiaigna iareo ndra ty fivavaha’e. Faie tadidio zao:

I Jehovah naho i Jesosy ty afake mamantatse ty am-po o ndatio ao, fa tsy itikagne.
Tsy misy ndaty tsy ho vita i Jehovah ty hagnampe aze zao.

5. Atorò tie bey herim-po rehe, faie mikezaha ka hagnaja naho hahimbagne avao. (Mat. 10:16) Ko mialy hevetse. Faragno am-pagnajagne i rehakey naho tsy te hitsanogne i talily soay i ndatỳ ndra mahatsapa rehe tie va’e hisy raha hagnoho-doza azo.—Ohab. 17:14.

HENTEO KA TY

Asa. 4:31; Efes. 6:19, 20; 2 Tim. 1:7

ATORÒ FA TEA’O O NDATIO—LE AMPIANARO IAREO