KUSAANGUNA KWAAMBUUZYANIA AABANTU
CHIIYO 6
Utayoowi
Malayilile: “Leza wesu wakatugwasya kuti tube aachibindi chakuti tumubuzye makani mabotu aaLeza.”—1 Tes. 2:2.
Nzyaakachita Jesu
1. Yebela KAVIDIYO naakuti ubale Lukka 19:1-7, mpawo ulange-lange mibuzyo iitobela:
Twiiyaanzi Kuzwa Kuli Jesu?
2. Tatweelede kuyoowa pe kuti tukambawuke mulumbe waBwaami kubantu boonse katutasaluuli.
Tobelezya Jesu
3. Syoma Jehova. Muuya uusalala wakapa Jesu manguzu aakuti akambawuke, anduwe ulakonzya kukupa manguzu. (Mt. 10:19, 20; Lk. 4:18) Kumbila Jehova kuti akugwasye kuti utayoowi pe kuti ukambawukile aabo mbuyoowa.—Mil. 4:29.
4. Utabeteki bantu. Tulakonzya kuwaya-waya kwaambuula aabamwi bantu akaambo kambubaboneka, buumi mbubapona naakuti nzibasyoma. Pesi yeeya kuti:
-
Jehova aJesu mbabo bakonzya kuziba zili mumyoyo yabantu, iswe tatuzikonzyi pe.
-
Tatweelede kubonaanga bamwi mbitukambawukila tabakonzyi pe kugwasigwa aaJehova.
5. Utayoowi alubo uchenjele. (Mt. 10:16) Utakazyanyi aabantu pe. Kuti muntu katali kuswiilila makani mabotu naakuti wabona kuti buumi bwako bulakonzya kuba mumapenzi, ulakonzya kuleka kwaambuula aamuntu ooyo.—Tus. 17:14.
