KAMATAGA O SE SAU‵TALAGA
MATAUPU 6
Loto Toa
Fakatakitakiga: “Ne ati aka ne matou te loto toa e auala i te ‵tou Atua ke fai atu ki a koutou a te tala ‵lei.”—1 Tesa. 2:2.
Mea ne Fai ne Iesu
1. Onoono ki te VITIO, io me faitau te Luka 19:1-7. Kae mafaufau ki fesili konei mai lalo:
Se a te Mea e Tauloto ne Tatou Mai i a Iesu?
2. E manakogina te loto toa ke se fakailoga tino tatou māfai e talai atu te fekau o te Malo ki tino katoa.
Fakaakoako ki a Iesu
3. Fakalagolago ki a Ieova. Ne tuku atu ne te agaga o te Atua te malosi ki a Iesu ke talai, kae e mafai foki o fakamalosi ne ia koe. (Mata. 10:19, 20; Luka 4:18) Fakamolemole ki a Ieova ke tuku mai ne ia te loto toa ke talai atu ki tino kolā e ma‵taku tatou i ei.—Galu. 4:29.
4. Sa fakamasino a tino. Kāti e se ma‵nako tatou o fai‵pati atu ki nisi tino ona ko olotou foliga, olotou tulaga i te olaga, vaega olaga e ola ei io me ko tena lotu. Kae ke masaua te mea nei:
5. Ke loto toa, kae ke fakaeteete mo te poto. (Mata. 10:16) ‵Kalo keatea mai kinauga. Ke fakagata te sau‵talaga i se auala āva mafai e se fia fakalogologo mai te tino ki te tala ‵lei io me ko oko ki se tulaga fakamataku.—Faata. 17:14.