ЧУГААНЫ ЭГЕЛЕҢЕР
КИЧЭЭЛ 6
Дидим чорук
Библейжи дүрүм: «Бурганывыс биске Ооң Буянныг Медээзин силерге коргуш чок суртаалдаар арганы берген» (1 Фес. 2:2).
Иисус чүнү кылып турган?
1. ВИДЕОНУ көрүңер азы Лука 19:1—7 номчуптуңар. Дараазында айтырыгларның дугайында боданыңар:
Иисустан чүнү өөренип алыр бис?
2. Аңгы-аңгы улуска өөрүшкүлүг медээни суртаалдаарынга дидим чорук херек.
Иисусту өттүнүңер
3. Иеговага идеге. Өөрүшкүлүг медээни дидим суртаалдаар кылдыр, Иисуска Бурган ыдыктыг сүлдени берип турган. Ол-ла сүлдени Иегова силерге база бээр (Мф. 10:19, 20; Лк. 4:18). Бараалгап тургаш, бир кижи-биле чугаалажырындан коргуп турар болзуңарза, Иеговадан дидим чорукту мөргүп дилеңер (Аж.-ч. 4:29).
4. Улусту ылгай көрбеңер. Кижиниң даштыкы овур-хевирин, социалдыг байдалын, чүдүлгезин азы амыдыралының аян-шинчизин көргеш, ооң-биле чугааны эгелеп алыры биске коргунчуг бооп чадавас. Ынчалза-даа утпаңар:
5. Эвилең-ээлдек болгаш оваарымчалыг болуңар (Мф. 10:16). Улус-биле маргышпаңар. Ол кижи чугаалажыксавайн турар болза азы айыыл тургузуп турар болза, чугааны эвилең-ээлдек доозуптуңар (У. ч. 17:14).