JACHA AWAʼIYEJ
LECCIÓN 6
Mame xiwat ta kʼop
Texto: «Ta swenta te Dios kuʼuntik la yichʼ yip koʼtantik yuʼun ya jcholbeyexkotik awaʼiyik te lek yachʼil kʼop» (1 Tes. 2:2).
Te bin la spas te Jesús
1. Ilawil te VIDEO, o kʼopona Lucas 19:1-7. Ta patil nopa awaʼiy te jojkʼoyeletik:
¿Bin ya yakʼ jnoptik te bin la spas te Jesús?
2. Ya skʼan te ayuk yip koʼtantik ta scholbeyel skʼop Dios spisil te ants winiketik.
Nopbeya stalel te Jesús
3. Ayuk smukʼul awoʼtan ta stojol te Jehová. Te Dios la yakʼbey schʼul espíritu te Jesús yuʼun ya schol skʼop Dios, jaʼnix jich ya yakʼbat-euk (Mat. 10:19, 20; Luc. 4:18). Kʼanbeya yip awoʼtan te Jehová yuʼun ya acholbey skʼop Dios te machʼatik ya xiwat ta stojol (Hech. 4:29).
4. Mame xpʼajawanat. Ay baeltik ya xiwotik ta skʼoponel jtul ants winik ta swenta te bin yilel, teme jkʼulej o maʼuk, te bin yilel skuxlejal o te bin sreligion. Pero julukme ta awoʼtan:
-
Te Jehová sok te Jesús ya snaʼik te bin ay ta oʼtanil; te joʼotike maʼuk.
-
Mame jnoptik te ma xjuʼ yuʼun skoltayel jtul ants winik te Jehová.
5. Mame xiwat sok ayukme apʼijil (Mat. 10:16). Ichʼa ta mukʼ te ants winik sok ma xa atsal aba ta kʼop sok. Teme ya awil te ma skʼan ya schʼam yaʼiy te bin ya awale o teme jich yilel te ya ata awokole, leknaxme ya awalbey te ya xbaatixe (Prov. 17:14).
