Мар кариз Иисус

Малы ми дышетскиськомы Иисуслэсь?

2. Ӟеч иворез пӧртэм адямиослы веран понна, кышкасьтэм луоно.

 Иисуслэсь адӟем кар

3. Иеговалэсь юрттэтсэ кур. Иисус кышкатэк ӟеч иворез вераз, малы ке шуоно Иегова солы святой духсэ сётӥз. Инмар тыныд но аслэсьтыз духсэ сётыны быгатэ (Матф. 10:19, 20; Лука 4:18). Тон кышкаськод ке кинлы ке ӟеч иворез вераны, кур Иеговаез юрттыны тыныд кышкасьтэм луыны (Ап. уж. 4:29).

4. Азьло ик адями сярысь уродзэ эн малпа. Куддыръя, адямилэн вылтусыз яке коркаез шоры учкыса, солэсь дышетскемзэ тодыса, ми соин вераськыны кышкаськомы. Но эн вунэты:

1.   а) Иегова но Иисус адямилэсь сюлэмзэ адӟо, нош ми — ум.

2.  б) Иегова котькыӵе адямиез ас дораз вайыны быгатэ.

5. Гажаса вераськы но чакласькись лу (Матф. 10:16). Эн споръяськы. Адямилэн кылзэмез уг поты яке шӧдӥськод ке, югдур кышкыт луэ ини шуыса, вераськемысь лякытэн дугды но кошкы (Мад. 17:14).