Zwe Yesu A Zwi Ita

Ri Guda Mini Kha Yesu?

2. Ri tea u vha na tshivhindi uri ri kone u huwelela mafhungo maḓifha kha vhathu vhoṱhe.

 Edzisani Yesu

3. Ḓitikeni nga Yehova. Muya mukhethwa wo ṋea Yesu maanḓa a uri a huwelele, u nga ita zwi fanaho na kha inwi. (Mat. 10:19, 20; Luka 4:18) Humbelani Yehova uri a ni ṋee tshivhindi tsha u huwelela kha vhathu vhane na vha ofha.​—Mish. 4:29.

4. Ni songo haṱula vhathu ni sa athu amba navho. Ri nga timatima u amba na vhaṅwe vhathu nga nṱhani ha mbonalo yavho, nḓila ine vha dzhiiwa ngayo tshitshavhani, vhuimo havho ha zwa masheleni, nḓila ine vha tshila ngayo kana zwine vha zwi tenda. Fhedzi ni songo hangwa uri:

1.    Yehova na Yesu vha a kona u vhona zwi re mbiluni, fhedzi riṋe a ri na honovho vhukoni.

2.   Ri songo vhuya ra humbula uri muṅwe muthu a nga si kone u thusiwa nga Yehova.

5. Ivhani na tshivhindi, fhedzi ni dovhe ni ambe nga nḓila ya ṱhonifho na nga vhuṱali. (Mat. 10:16) Iledzani u ṱaṱa khani. Litshani u bvela phanḓa na nyambedzano nga nḓila ya vhulenda arali muthu a sa ṱoḓi u thetshelesa kana ni tshi pfa ni songo tsireledzea.​—Mir. 17:14.