LONO KƆƆ-PILAŊ PERE
ZƐŊ-LƐƐI 6
Ife Yao
Dɔ̃ya-ŋuŋ: “Lii-kpele e kɛ kuyeei Kuɣalai kponoi a gɛɛ ku Ɣala ŋɔtuŋ lɛlɛɛi ɓo kaa.”—1 Tɛ. 2:2.
Mɛnii Zisɛ E Gɛi
1. VILOI su kaa, kpaa Luu 19:1-7 lono. Gɛ ni mare-kɛɛ-ŋai ŋi sukula:
Le Ɓe Kwa Pɔri Maa-kɔrii Zisɛ Yeei?
2. Maa nɛ̃ɛi kulii e kɛ a gbeleɛ a gɛɛ ku Galoŋ-laai maa tuŋ ɓo nuu kelee ma.
Zisɛ Pɔɔkɔɔŋ
3. Ikili tɔɔ Ziova ma. Ɣala ŋɔmɔleŋ e Zisɛ kponoi kpanaŋ a gɛɛ e ɣala-woo ɓo, nyaŋ a pɔri ikponoi kpanani. (Mf. 10:19, 20; Luu 4:18) Ziova fɛli a gɛɛ ilii e kɛ a gbeleɛ a gɛɛ I ɣala-woo ɓo nuai dia ya pɔri kɛi yaoi diai.—Dikɛ-mɛni-ŋai 4:29.
4. Ve kɛ ikili-ŋa a gɛɛ nuui fe pai ŋoli tɔɔi ya. Mɛni-ŋai ŋi da pɔri gɛi ku yao lonoi nua tani-ŋa pɔ: nuui kɛ pere, ŋɔtɔɔ-laai, ŋɔkɛ-ɣeniɛi kɛ pere, kpaa ŋala-mɛnii gaa zui. Kɛɛ nyiŋi e lɛɛ ikili-ŋa:
5. Kɛ a ilii kpeleɛ, kɛɛ ɓaa-kɛ-maa tɛɛ nua pɔ I tãi siɣe a dia. (Mf. 10:16) Ife laa-saa kɛ. A kɛ nuui fe ŋwɛlii e ŋolii tɔɔ duŋ-lɛlɛɛi ma, kpera lonoi bɔ a ɓaa-kɛ-maa pere.—Tá. 17:14.
