Aŵeje Ŵakulimba Mtima

ALOLELE

Lilemba: “Mlungu ŵatukamuchisye kuŵa ŵakulimba mtima kuti tumsalile jemanja ngani syambone sya Mlungu.”—1 Ates. 2:2.

Yaŵatesile Yesu

FIDIYO: Yesu akumlalichila Sakeyo

1. Alolele FIDIYO, kapena aŵalanje Luka 19:1-7. Kaneko ajanje yiwusyo ayi:

Ana ni yindu yapi yayikatendekasisye ŵandu ŵane ngasaka kuŵechetana ni Sakeyo?
Atamose yaliji myoyo, ligongo chichi Yesu jwamlalichile Sakeyo ngani syambone?

Ana Yaŵatesile Yesu Yikutujiganya Chichi?

2. Tukusosekwa kuŵa ŵakulimba mtima kuti tukombole kumlalichila mundu jwalijose ngani syambone.

Amsyasyeje Yesu

3. Amdalileje Yehofa. Msimu wa Mlungu wamkamuchisye Yesu kuti akombole kulalichila, nombe wawojosoni mpaka wakamuchisye. (Mat. 10:19, 20; Luk. 4:18) Myoyo, amŵendeje Yehofa kuti ŵakamuchisye kuŵa ŵakulimba mtima kuti akombole kwalalichila ŵandu ŵakusiŵatesya woga.—Mase. 4:29.

4. Akawelusyaga ŵandu. Ndaŵi sine mpaka tulepele kuŵechetana ni mundu ligongo lyakawoneche kakwe, chipanje chakwete, kuganichisya mnope yindu yakusanonyela, kapenasoni dini jali. Nambo tukumbuchileje kuti:

Yehofa soni Yesu akusamanyilila yayili mumtima mwa mundu, pele m’wejo ŵangamanyilila chilichose.
Tukaganisyaga kuti Yehofa nganaŵa amkamuchisye mundu kuti achenje.

5. Pakutenda yindu mwakulimba mtima, aŵeje ŵaulemu soni atendeje yindu mwakusamala. (Mat. 10:16) Akalimbanaga ni ŵandu. Naga mundu ngakusaka kupikana ngani syambone soni akuyiwona kuti umi wawo uli pangosi amasyeje yakukambilanayo mwalunda.—Mis. 17:14.

ALOLESONI

Mase. 4:31; Aef. 6:19, 20; 2 Tim. 1:7

TWANONYELEJE ŴANDU—⁠TWAJIGANYEJE