DOK CEN KA LIM
PWONY ME 7
Pe iil Cingi Woko
Cik ma iye lac: “Nino ducu pe guweko pwonyo dano ki tito lok me kwena maber.”—Tic 5:42.
Gin ma Paulo Otimo
1. Nen VIDIO, nyo kwan Tic pa Lukwena 19:8-10. I nge meno, tam i kom lapeny magi:
Pwony Ango ma Wanongo ki Bot Paulo?
2. Mito kare kacel ki tute matek me bedo ka dok cen ka lim ki dong cako kwano Baibul ki dano.
Lub Lanen pa Paulo
3. Bed atera me keto yub ma rwatte ki yub pa ngat meno. Pennye kekeni ni: ‘Awene ma atwero rwatte ki dano meno? En twero bedo agonya me lok kweda ki kwene?’ Bed atera me limme, kadi wa i cawa ma inongo ni tek piri.
4. Wumok cawa ma wutwero rwatte iye. Kare ducu ka wutye ka giko lokwu, tute me moko cawa ma itwero lok ki dano-ni doki. Nen ni irwatte kwede i cawa ki kabedo ma wumoko-ni.
5. Pe irweny gen. Pe inguk tamo ni ngat moni pe ki miti pien pol kare pe inonge gang nyo bedo ki tic mapol. (1 Kor. 13:4, 7) Medde ki tute me nongo ngat meno kun bene igwokke ki balo cawani.—1 Kor. 9:26.
