SEGIN-KA-BƆNYEW KƐ
Kɛwalew 19:8-10
KALANSEN 7
Timinandiya
Sariyakolo: “U ma mɔgɔw kalanni ni . . . Kibaru Duman fɔli dabila.”—Kɛwalew 5:42.
Paul ye min kɛ
1. WIDEYO lajɛ, walima Kɛwalew 19:8-10 kalan. O kɔ, nin ɲininkali ninnu sɛgɛsɛgɛ:
-
Tuma min na mɔgɔ dɔw tun bɛ k’a ɲini ka Paul kɛlɛ, Paul ma a dabila. Nka a y’a timinandiya walisa ka mɔgɔw dɛmɛ minnu y’a jira ko kibaru duman ka di u ye. A ye o kɛ cogo di?
-
Mɔgɔ minnu y’a jira ko kibaru duman ka di u ye, Paul seginna fo siɲɛ joli ka olu kalan? A ye o kɛ fo ka se waati hakɛ joli ma?
Paul ka misali bɛ an kalan mun de la?
2. An ka kan ka waati ta ani ka cɛsiriw kɛ walisa ka segin-ka-bɔnyew kɛ minnu bɛ nɔ bɔ, ani ka Bibulukalanw daminɛ.
Paul ladege
3. Sɔn ka taa bɔ a tigi ye waati la min bɛ bɛn a ma. I yɛrɛ ɲininka: ‘Ne bɛ se ka nin tigi lasɔrɔ waati jumɛn ani yɔrɔ jumɛn de la min bɛ bɛn a ma? Tuma jumɛn ani yɔrɔ jumɛn de la a bɛna se ka waati sɔrɔ ka baro kɛ ne fɛ?’ Sɔn ka taa bɔ a tigi ye hali ni o waati tɛ bɛn i ma.
4. I ni a tigi ka waati dɔ boloda min na aw bɛ se ka segin ka baro kɛ tuguni. Tuma o tuma, aw ka baro laban na, a ɲini a tigi fɛ aw ka waati kɛrɛnkɛrɛnnen dɔ boloda min na aw bɛ se ka segin ka baro kɛ tuguni. I k’i jija ka taa bɔ a tigi ye yɔrɔ la ani waati la aw bɛnna min kan.
5. I jigi kana tigɛ. Kana sin k’a miiri ko mɔgɔ min tɛ sɔrɔ so tuma caman na, walima mɔgɔ min bolo degunnen don tuma caman, ko kibaru duman man di o tigi ye. (1 Kɔrɛntekaw 13:4, 7) Nka, i k’i timinandiya ani ka baara kɛ ni i ka waati ye ni hakilitigiya ye.—1 Kɔrɛntekaw 9:26.
NINNU FANA LAJƐ
Kɛwalew 10:42; 1 Kɔrɛntekaw 9:22, 23; 2 Kɔrɛntekaw 4:1; Galasikaw 6:9
