SI TA VISITA OTRAVEZ
LECCION 7
Continua Ayuda
Principio: “Gendeh sila ta descansa insiña y anuncia . . . el Buen Noticia.”—Act. 5:42.
Si Cosa Ya Hace si Pablo
1. Mira con el VIDEO o le con el Maga Actividad 19:8-10. Despues, considera con el siguiente pregunta:
Cosa Kita Puede Aprende con Pablo?
2. Necesita kita dale tiempo y esfuerzo para visita otravez con el maga gente y principia man Bible study kanila.
Imita con Pablo
3. Visita con el persona na tiempo que conveniente con ele. Pregunta na de tuyu mismo cuerpo: ‘Cuando y onde yo posible puede mas man cuento con ele?’ Queda preparao que man adjust con el de tuyu schedule para puede visita otravez con ele.
4. Pregunta con el persona si cuando tu puede man cuento otravez con ele. Cada vez tu acaba man cuento con ele, pricura man schedule especifico tiempo si cuando tu puede man cuento con ele otravez. Asigura que puede tu cumpli con ese schedule.
5. Esta positivo. Si pirmi nuay na casa el persona o pirmi le busy, no dayun pensa que gendeh le interesao. (1 Cor. 13:4, 7) Pero maskin pa ta pricura tu hace manera para puede man cuento con ele otravez, asigura que ta usa tu enbuenamente con el de tuyu tiempo.—1 Cor. 9:26.
