PEHZULH DINGMI
CAWN DINGMI 7
A Teimami Si
Baibal Phunglam: “Thawngṭha kha an cawnpiak hna i an chimh lengmang hna.”—Lam. 5:42.
Paul Nih Zeidah A Tuah?
1. VIDEO kha zoh asiloah Lamkaltu 19:8-10 rel. Cun a tanglei biahalnak hna hi i ruah u:
Paul Sinin Zeidah Kan Cawn Khawh?
2. Hmual ngei tein lennolh tuah khawh awk le Baibal cawnpiaknak thawk khawh awkah a caan le thazaang pek a hau.
Paul Kha I Zohchunh
3. An caan aa rem caan ah leng hna. Hitin i hal: ‘Amah pehtlaih awkah zeitik caan dah a ṭhat bik lai? Keimah he biaruah awkah zeitik le khoika hmun ah dah a duh bik lai?’ Na caah aa rem lomi caan a si hmanh ah a sinah lungtho tein va leng.
4. Zeitik ah dah biaruah ṭhan khawh a si lai ti kha hal. Nan biaruahnak a dih tik paoh ah bia nan i ruah ṭhan khawh dingmi a caan kha rikhiah awkah i zuam. Cun ri nan khiahmi a caan le a hmun ah kal ṭhan.
5. Ruahchannak ngei peng. Mi pakhat kha aa manh lo tuk ca asiloah inn i hmuh awk a har caah anih cu hngalh duhnak a ngei lo tiah ruat hlah. (1 Kor. 13:4, 7) Mah canah amah he i ton khawh awkah i zuam peng, asinain na caan kha fimkhur tein hman awk zong ah i zuam.—1 Kor. 9:26.
