YE KƆC LƆ NEEM
PIÖÖC 7
Duk Puɔ̈u Dɛ̈k
Wëët ë Baibol: “Akënkï wëët aa pɔ̈l, ayï guiëër ë wëlpiɛth aya.”—Luɔi de Tuuc 5:42.
Kën ë Cïï Paulo Looi
1. Ɣoi BIDEO, awu kuen Luɔi de Tuuc 19:8-10. Ku jälkë thiëc bɔ̈ jäämiic:
Yeŋö Buk Piɔ̈ɔ̈c Tënë Paulo?
2. Akɔrku buk riɛlda ku dhamanda luɔ̈ɔ̈i bïï ɣok kɔc ya lɔ neem ku jɔkku piööc ë Baibol cöök ke keek.
Kiɛ̈ɛ̈të Paulo
3. Them ba raan ya lɔ neem ë dhaman piɛth ke yen. Ye rot thiëëc: ‘Ye nɛn ku ye dhaman yïndï piɛth bïï ɣɛn ye ya lɔ neem? Ye nɛn ku ye tëno lëu bï nhiaar bïï yen jam ke ɣɛn thïn?’ Them ba ya lɔ neem cɔk anɔn cïï yen ë dhaman piɛth ke yïn.
4. Thiëc raan ë dhaman lëu bïï yïn bɛ jam ke yen. Të cïï yïn thök ë jam we raan, ke them ba thiëëc ë dhaman lëu bïï yïn bɛ jam ke yen. Muk ë yïnɔm ba rɔ̈m ke yen ë dhaman cï lueelic ku tëden cï lɔc.
5. Ye naŋ ŋäth. Duk ë guɔ tääu ë yïnɔm nɔn nadɛ̈ ke raan wën cie dac yök baai awu raan cï nɔm thiäŋ ë käjuëc looi keek acïï lëu bï wël piɛth gam. (1 Kor. 13:4, 7) Lɔ tueŋ ke ye them ba raan ya lɔ neem ku them aya ba dhamandu ŋiɛc ya luɔ̈ɔ̈i apiɛth.—1 Kor. 9:26.
