GE SÌ GÉ KÃA NEN
Tóm 19:8-10
7 NU GÈ NÒ
Ó Gá Zìgà Kọọ̀ Lóó Ni Á Ọọ
Nòòkúu: “Ba beè olòó tõó boo beè tọọ̀ káíá àbèè tọ gbò nen olòó noòmà nu nè ge ló lé kpẹ̀aí.”—Tóm 5:42.
Nú E Pọ́ọ̀l Beè Naa
1. Ẹ̀b VÍDIÒÍ, àbèè o bugi Tóm 19:8-10. Vaá ò gbóó aalai gbò bíbví:
Éé Ní E Nóò Lọl Ló Pọ́ọ̀l Ẹ?
2. È íè bíi ló gè tú tṍó nè kói siimá tóm kọbé è láá olòó kãa nen vaá noòmàe Kpá Káí.
Nó Pọ́ọ̀l
3. Di kpènà ló gè sì gé kãa nen tṍó ea é léé ló ẹlẹ. Bĩiná o bá kọọ̀: ‘Mó tṍó ní ea bọ́ló kọ ḿ síé ló é? Gbẹá ãàe nè mó tṍó ní ea é léémáe ge zọ̀m loá sọ́lẹ́?’ Di kpènà ló gè sì gé kãée, kọbèè tṍóá náa é léé ló olo.
4. Bĩináe tṍó eo é láá kpáá loai sọ́l. Buù tṍó e bọọ loa sọ́l ni íná kùbmà, pììga boo gè olòó bĩiná tṍó eo é láá kpáá loai sọ́l. Pììga boo gè sì gé kãáe tṍó eo beè bilai ló.
5. Ó gá pee bùlà. Ó gá vàlẹ̀bá tuumá kọọ̀ náa íe lèèmá ló bọọ loa sọ́l boo béè kọọ̀ nóo monìé tọ àbèè kọ à bọọgẹ̀ dú kíìli-kíìli. (1 Kọ́r. 13: 4, 7) Kilsĩ́ gè gbĩ́e, sõò ó gá pee gã́bug tṍó eo gáẹ̀ beè gbĩimá dõòna gbò e bà íe lèèma.—1 Kọ́r. 9:26.
BUGI NAGÉ
Tóm 10:42; 1 Kọ́r. 9:22, 23; 2 Kọ́r. 4:1; Gàl. 6:9
