DATAI NGABAS
PELAJAR 7
Anang Putus Asa
Prinsip: “Sida enda ngetu ngajar sereta nusui Berita Manah.”—SKR. 5:42.
Nama Utai Ti Digaga Paul?
1. Peda VIDEO, tauka bacha Surat Kereja Rasul 19:8-10. Udah nya, perundingka sekeda tanya tu:
Nama Ulih Dipelajarka Kitai Ari Paul?
2. Kitai patut meri awak lalu bebendar berusaha, ngambika ulih ngaga datai ngabas sereta ngepunka pengawa belajarka Bup Kudus.
Neladan Paul
3. Sanggup ngubah jadual nitihka masa orang nya. Tanya diri empu: ‘Kemaya sereta ba dini aku ulih berandau enggau iya? Ni maya iya bisi awak ulih berandau enggau aku?’ Iya engka bisi masa ba maya ti enda ngena ba nuan. Tang, nuan patut sanggup ngaga datai ngabas ngagai iya ba maya ke nyamai ba iya.
4. Ngaga semaya enggau orang nya. Ba pengujung tiap iti randau, uji meh ngaga semaya pasal kemaya nuan ulih berandau baru enggau iya. Udah nya, nuan patut datai ngagai endur sereta nitihka jam ke disemayaka seduai.
5. Anang putus asa ngagai iya. Anang meh jampat ngumbai orang ke selalu nadai ba rumah, tauka seruran kisuk enda beminat enggau Berita Manah. (1 Kor. 13:4, 7) Taja pan nuan enggai putus asa nulung iya, tang nuan patut seimbang ngambika ulih ngena masa enggau manah.—1 Kor. 9:26.
