KPA ANG ỌJẸ́JẸ KỊLAHỊ
ANG ỌJẸ́JẸ 7
Kịnyaa La ọ-Maga Nyọka Da Angịkịla Ụbwọ
Itiwe nya Ehile: ‘Alẹrụ ọnyịịla nya ịKịrayịsị juwa mẹ ang jẹ angịnyị ehe bala o-juwa ya ẹla nya Ohe Oluhye jaa la ịnyọ ọmwụmwụ ka.’—Ụkụr 5:42.
Ang Ọlẹ ká ỊPọlụ Họ
1. Yẹ IFIM ọwẹ, lee wa Ụkụrwọ nya Alẹrụ 19:8-10. Ká kụ ẹhị yẹ ịtọ ẹla ileji ịlẹ:
Ẹlịyẹ Ahị Tị́ Jẹ́ Bwu Ẹga nya ỊPọlụ?
2. Ahị baba kahị ka kpa ụka bala ọngịrị nyahị họ ụkụrwọ nya ịlẹhị-ịlẹhị nyọka ka ọmwẹẹkpẹ ka bala ọ-ka dọmwụ nya ịBayịbụụ ọjẹ́jẹ.
Ba Ọgụ-ẹpẹtẹ nya ỊPọlụ Jẹ
3. Hu ụka nọ pwoku ịnya ọngọọwa. Tịlọng wo wẹẹ: ‘Ụka oyina à tị́ ka hágụ nyọka tọ ọngọọwa ẹ-ẹpwa? Ụka oyina bala ale à tị́ ka họọ gụ kọ ka myị-ị́ ya ẹla balam?’ Nwụlanọ nyọka jwoo ụga, kori ka ụka ọọwa á dọmwụ pwoku hang ka wẹwẹ.
4. Anụ ya ụka ha awụlẹ. La ocheju nya ẹla oyaya nyanụ ọnyị myị́ ọnyị, maga ká ya ụka ọkịla ọlẹ kpangga kanụ ka tọ awụlẹ họọ. Ịnyịnyị, maga ká ba ụka ọọwa jẹ.
5. Kịnyaa la ọ-la ẹhị ọrịrịị-rịrị. Á me irya nyori ẹla nyahị á há ọngịnyị ka ọọlajị nyọlẹ ká kaa tọọ ẹ-ẹpwa hyaa-hyaa ka lee ọngọọwa ọ-kaa hi ụbwọ nwa ka lẹ ka. (1 Kọr. 13:4, 7) Ọkọkọ nyọọwa, maga jaabwọ ká ka họ nyọka jẹ́-ẹ yẹ ọngọọwa, a tị bịrị ụka lụmẹ ka.—1 Kọr. 9:26.