BAI KAWAN AI LAM
Kas 19:8-10
DAW 7
Shakut Shaja U
Npawt Tara: “Shanhte shani shagu naw ku Htingnu hta mung, nta hkan e mung, . . . a hkaw a tsun nga ma ai.”—Kas 5:42.
Pawlu Galaw Wa Ai Lam
1. VIDEO hpe yu u, shing nrai Kasa 19:8-10 hpe hti u. Lawu na ga san ni hpe myit yu u:
Pawlu Kaw Na Hpa Sharin La Mai Ai Kun?
2. Tang du ai bai kawan ni, Chyum ga sharin ni hpang lu na matu aten hte n-gun atsam grai jaw ra ai.
Pawlu Hpe Kasi La U
3. Tinang rau ai aten n re ai sha, kaga ni rau ai aten hta sa u. Tinang hkum tinang ndai hku san u: ‘Shi hpe matut mahkai na matu gara aten grau htap htuk na kun? Tsun shaga na matu gara aten, gara shara gaw shi a matu grau htap htuk na kun?’ Nang sa na matu yak yang pyi, sharawng awng let sa u.
4. Tau hkrau jahkrum da u. Kalang hkrum ngut shagu, hpang kalang hkrum na aten hpe tau hkrau jahkrum da u. Jahkrum da ai hte maren du hkra sa u.
5. Myit mada nga u. Nta kaw nau n nga ai, bungli grai law ai wa re ai majaw, myit lawm na n re ngu alawan hkum sawn la. (1 Ko 13:4, 7) Hkrum lu na matu matut shakut u. Raitim, aten shama ai baw hkum galaw.—1 Ko 9:26.
NDAI NI HPE MUNG YU U
Kas 10:42; 1 Ko 9:22, 23; 2 Ko 4:1; Gal 6:9
