ULAʼANIHEBʼ
TZOLOM 7
Maakanabʼ xtenqʼankilebʼ
Li naxye li Santil Hu: «Wulaj wulaj nekeʼxkʼe xchʼool chi kʼutuk [ . . . ] ut xkʼebʼal chi naweʼk li chaabʼil esil» (Hech. 5:42).
Li kixbʼaanu laj Pablo
1. Taawil li BʼIDEO malaj taayaabʼasi Hechos 19:8-10. Chirix chik aʼan taatzʼil rix ebʼ li patzʼom aʼin:
Kʼaru naqatzol rikʼin laj Pablo?
2. Re naq tqataw rusilal rulaʼaninkilebʼ ut xtzolbʼalebʼ chirix li Santil Hu, naʼajmank naq tqakʼe qaqʼe ut qahoonal.
Kʼam aawe rikʼin laj Pablo
3. Ulaʼani saʼ li hoonal li naru wiʼ li qas qiitzʼin. Bʼaanu aawe ebʼ li patzʼom aʼin: «Joqʼe wank xhoonal re aatinak wikʼin? Bʼar raj twulaq chiru naq tqataw qibʼ?». Kʼe aachʼool chi rulaʼaninkil usta maawaʼ li hoonal li twulaq raj chaawu laaʼat.
4. Patzʼ re joqʼe tatruuq raatinankil wiʼ chik. Naq texraqeʼq chi aatinak, taaye joqʼe taawulaʼani. Misach saʼ laachʼool rulaʼaninkil saʼ li naʼaj ut saʼ li hoonal li xaaye re.
5. Maakanabʼ xtenqʼankil. Maakʼoxla naq inkʼaʼ naraj rabʼinkil li esil xbʼaan naq qʼaxal laatzʼ ru malaj chʼaʼaj xtawbʼal saʼ rochoch (1 Cor. 13:4, 7). Yal aaqʼe chi xsikʼbʼal li qas qiitzʼin, abʼan oksi chiʼus laahoonal (1 Cor. 9:26).
