Twalenuho Kukafwa Vatu

PUTUKA KWIMBISA

Lundongi: “Kavalitwaminyine kunangula vatu . . . nakwambulula mujimbu wamwaza[ko].”—Vilinga 5:42.

Vyuma Alingile Paulu

VINDIYO: Paulu Mwatwalaho Lika Kwambulwila muEfwesu

1. Talenu VINDIYO, chipwe tangenu Vilinga 19:8-10. Kufumaho lihulisenu vihula vino vinakavangizaho:

Uno Paulu atwalileho ngachilihi kwambulila vatu vamwaza michima omu vatu vamwe vamufumbukilile?
Mapapa kangahi Paulu ahilukilile kuli ava vatu, kaha alingile ngocho hamyaka yingahi?

Vyuma Muka Tunalinangula Kuli Paulu?

2. Twasakiwa kuzata lwola lwaluvulu nakukilikita chikuma numba tukindulukile kuvatu vamwaza michima nakutunga vilongesa vyaMbimbiliya.

Londezezenunga Paulu

3. Fwilenu kukindulukila kumutu halwola lwakutamo. Lihulisenu ngwenu: ‘Likumbi muka lyamwaza ngwatela kumutambukila? Lwola muka, kaha nawa kuchihela muka ngwatela kumuwana mangana ngushimutwile nenyi?’ Fwilenu kukindulukilako numba nge lwola kana kalweshi lwamwaza kuli yenuko.

4. Muhulisenu amilweze likumbi namukamutambukila cheka. Nge munakumisa kushimutwila nenyi muhulisenu amilweze lwola luze namukamutambukila mangana mukashimutwile cheka. Fwilenu kumutambukila halwola nahalikumbi munalishiki.

5. Pwenu nalufwelelo. Kanda kukukulula washi ngwenu mutu uze kawanyiwa chikuma hembo chipwe uze atwama namilimo chikuma kasaka kulinangula muchanoko. (Koli. 1, 13:4, 7) Oloze twalenuho kukindulukila kumutu kana nakuzachisa kanawa lwola lwenu.—Koli. 1, 9:26.

TALENU NAWA

Vili. 10:42; Koli. 1, 9:22, 23; Koli. 2, 4:1; Ngale. 6:9

ZANGENU VATU—MUVANANGULE VAPWENGA TUMBAJI