ODIDELEVE OMUKAVIHERA MWANAMURALA ANNA EFUNELO
MUSOLO 7
Ovilela
Nlagano: ‘Teto yoodidelave ohudhiha ni olaleya muthenga dhapama.’ — Dho. 5:42.
Ethu erilena Pawulo
1. Osugwe VIDIYU, obe omwileri Dhowera Dhaarumiwi 19:8- 10. Wamala wawaakule makoho enaharela:
Nnahudhera ddi ni Pawulo?
2. Nnohowela wilibihedha ni ojha mudhidhi wihina nawaaredhele athu ni wahudhiha Bibiliya.
Omutajhihe Pawulo
3. Omweegeredhe porogarama awo wihina omwaredhele mwanamuralaya mudhidhi anafwanyeyiye vaade. Wikohe: Mudhidhi baani ginanfwanyimivo muthu yoola? Enaamukweyele othapanya ni miyo alini ni wuuvi? Wilibihedhe omwaredhela muthuya naarive oganonne wihina mudhidhiya kahiyo wofwanelela.
4. Ohiye muselu wihina labo nimodha muthapanyedhe. Omagomihedho wa kadda othapanya, owoge labo ni mudhidhi onahogolowiwe. Wilibihedhe wihina wakwanihedhe yopaganya yawo.
5. Kuyelele ejhehedhelo. Kuwubuwele wihina muthuya kanna efunelo mwaha kunanfwanyesavo vaadeva obe onanfwanyesa ahinna mudhidhi. (1 Cor. 13:4, 7) Naarive dhigaali ndo, okale oweezeya, odideleve ovilela, mbwenye kunoonge mudhidhi ni muthu ahinna efunelo.
