LEBG-Y N TƖ KAAG-Y NEBÃ
SAK A 7
Ket-y n zãmsd-y nebã
Biiblã sẽn yete: “B ra ket n zãmsda nebã la b moond a Zeezi sẽn yaa Kiristã koe-noogã.”—Tʋʋ. 5:42.
A Poll sẽn maan to-to
1. Ges-y VIDEO wã, wall y karem Tʋʋm 19:8-10. Rẽ poor bɩ y leok sogsgã:
A Poll sẽn maan to-to wã wilgda tõnd bõe?
2. D segd n baooda sẽka, n modgd n lebgd n kẽnd n kaagd nebã, la d sɩngd Biiblã zãmsgo.
Maan-y wa a Poll
3. Sigl-y y sẽkã tɩ zems ne a soabã rẽnda. Sok-y y meng yaa: ‘Wakat bʋg la m tõe n le tɩ sõs ne-a? Zĩ-bʋg n na n yɩ sõma ne-a n tɩ yɩɩda? Sasa bʋg la a na n paam sẽk n sõs ne maam?’ Lebg-y n tɩ kaag-y-yã-a, baa wakat ning a sẽn kõ yãmbã sã n pa zems ne-yã.
4. Rɩk-y sɛk ne-a. Y sõsg fãa poore, bɩ y zems taab n yãk wakat takɩ y sẽn na n lebg n tɩ kaag-a. Modg-y n lebg-y n kẽng-y wakat ning y sẽn yãkã.
5. Kell-y n tall-y yam-sõngo. Ra yɩ-y yãg-yãg n tags tɩ ned y sẽn pa wae n mikd a zakẽ, pa rẽ bɩ sẽn pa wae n tar sẽk yaa ned sẽn pa rat n bãng n paas ye. (1 Kor. 13:4, 7) Lebgd-y n kẽnd n kaagd a soabã, la maan-y gũusg n da sãam y sẽkã ye.—1 Kor. 9:26.
