KOMPLI IBNI L-INTERESS
LEZZJONI 7
Ibqaʼ Prova Għin lin-Nies
Prinċipju: “Huma komplew . . . jgħallmu u jippritkaw l-aħbar tajba.”—Atti 5:42.
Dak li Għamel Pawlu
1. Ara l-VIDJOW jew aqra Atti 19:8-10. Imbagħad aħseb sew dwar il-mistoqsijiet li ġejjin:
X’Nitgħallmu minn Pawlu?
2. Għandna bżonn il-ħin u rridu nagħmlu sforz biex ikollna riżultat tajjeb meta nagħmlu żjajjar lura u nibdew studji tal-Bibbja.
Imita lil Pawlu
3. Kun lest li terġaʼ tmur meta jkun tajjeb għall-persuna. Saqsi lilek innifsek: ‘Meta u fejn ikun l-aħjar li niltaqaʼ magħha? Meta se jkollha ċans titkellem miegħi?’ Kun lest li terġaʼ tmur anki jekk ma jkunx l-aħjar ħin għalik.
4. Agħmel appuntament. Qabel titlaq ipprova ftiehem mal-persuna meta se terġaʼ titkellem magħha. Kun ċert li żżomm l-appuntament.
5. Taqtax qalbek. Taħsibx li l-persuna mhix interessata għax spiss ma ssibhiex id-dar jew dejjem ikollha x’tagħmel. (1 Kor. 13:4, 7) Ibqaʼ pprova sakemm issib il-persuna, imma ara li tuża l-ħin tiegħek bl-aħjar mod.—1 Kor. 9:26.
