ICIPEMPU
ISAMBILILO 7
Muwatwalilila Ukwavwa Awantu
Icisinka cisundo: “Awalanga wakusambilizya nukuwizya Ilandwe Zima.”—Imili. 5:42.
Vino Paulo Wacisile
1. Tambani e VIDYO, nanti wazyani Imilimo 19:8-10. Apano mwasuke amawuzyo yano yakonkapo:
Avyani Vino Tukusambililako kwe Paulo?
2. Tuzipizile ukuwombesya pa kuti tupange ivipempu na masambililo ye Baibolo.
Mwakolanya Paulo
3. Mwanyocela ku muntu pa mpindi yino umweneco akulonda. Mwayikolowozya ukuti: ‘Awanda ci swinya ampindi ci yino angatemwa ukuti tuye tulanzyanye nawe?’ Mwayikundila ukunyocelako asa mulandu nu kuti muli ni vyakucita ivivule.
4. Muwapangana. Pano mwamala ukulanzyanya, mwakolowozya impindi yino mungiza munyoceleko. Muwasinincizya ukuti mwaficilisya vino mwapangine.
5. Mwatwalilila ukuwa ni suwilo. Mutati mwakwelenganya ukuti wumwi asilonda ukwivwa pa mulandu wakuti ilivule asizanwa pa ng’anda nanti wapamviwa. (1 Kor. 13:4, 7) Mwatwalilila ukunyocelako, lelo mwasinincizya ukuti mukuwomvya icete impindi.—1 Kor. 9:26.