OKSEPA XITETLAJPALOTI
TLAMACHTIL 7
Ximochijchikaua xitetlajpaloti
Principio bíblico: “Mojmostla otlamachtiayaj kuali tlajtoli” (Hech. 5:42).
¿Tlen okichi Pablo?
1. Xikita VIDEO noso xiktlajtolti Hechos 19:8-10. Satepan ximotlajtlani:
¿Tlen techmachtia tlen okichi Pablo?
2. Moneki timochijchikauaskej uan timajxiliskej para oksepa titetlajpalotiuij uan ijkon uelis titlamachtiskej.
Xikchiua ijkon ken Pablo okichi
3. Xiktlajpaloti akin otiktlapoui ijkuak ye majxilia. Ximotlajtlani: “¿Keman uelis niktlajpaloti? ¿Keman uelis iuan nimotlapouis? ¿Kanin kineki matimotlapouikan?”. Xiktlajpaloti ijkuak ye majxilis.
4. Xiktlajtlani keman uelis oksepa iuan timotlapouis. Ijkuak yitlamis iuan timotlapouis, xiktlajtlani tlen tonal uan tlen hora uelis oksepa tiktlajpaloti. Xiktlajpaloti ijkuak ye kijtos.
5. Amo ximosotlaua. Amo ximokuayejyeko amo kineki kimatis tlen tiktlapouia porque amo kajki ikalijtik noso amo majxilia (1 Cor. 13:4, 7). Ximochijchikaua xiktlajpaloti pero amo ximotonalpolo (1 Cor. 9:26).