GO DIRA MAETO A GO BOELA
THUTO 7
O se ke wa Fela Matla
Molao wa motheo: “Ba tšwela pele ba sa kgaotše ba ruta e bile ba tsebatša ditaba tše dibotse.” —Dit. 5:42.
Seo Paulo a se Dirilego
1. Bogela BIDIO goba o bale Ditiro 19:8-10, ke moka o leke go araba dipotšišo tše di latelago:
Seo re Ithutago Sona go Paulo
2. Re swanetše go ipha nako ya go boela go batho bao ba thabelago le go thoma dithuto tša Beibele. Eupša go nyakega gore re dire maiteko.
Ekiša Paulo
3. Leka go etela batho ka nako yeo ba hwetšagalago ka yona. Ipotšiše gore: ‘Motho yoo o hwetšagala ka letšatši lefe, gona kae? O hwetšagala nako mang?’ Ikemišetše go boela go yena ka nako yeo a hwetšagalago ka yona le ge go ka se be bonolo go dira bjalo.
4. Botšiša motho yoo gore o ka mo etela neng gape. Nako le nako ge o fetša go boledišana le yena, leka go mmotša gore o tlo boledišana le yena neng gape. Kgonthišetša gore o boela go yena ka nako yeo le kwanego ka yona.
5. O se ke wa fela matla. Ge e ba motho a dula a sa hwetšagale ka gae goba a dula a swaregile kudu, o se ke wa phetha ka gore ga a thabele. (1 Bakor. 13:4, 7) Go e na le moo, tšwela pele o boela go yena eupša o kgonthišetše gore o diriša nako ya gago ka bohlale.—1 Bakor. 9:26.
