CUTI PASIANGAJ RI
LECCIÓN 7
Runaunara yanapasha cati
Bibliamanda iyai: “Tucui punzhauna [...] Jesucristo shutira rimanara camachinaras mana saquinaucachu” (Hech. 5:42).
Apóstol Pablo rurashca
1. VIDEORA ricui o Hechos 19:8-10 leai. Huasha catij tapuigunamanda riparasha iyari:
¿Imara Pablomanda yachanchi?
2. Timpura llucchisha ursarinas ministinchi cuti pasianara, Bibliamanda cursora callarinaras alira rurangaj.
Pablo rashcasna rurai
3. Runa ushashca timpui cuti pasiangaj munaira chari. Tapuri: “¿Maibi, ima huras paita tupangaj mas ali anga? ¿Maibi, ima huras pai ñucahua cuintanunungaj mas munanga?”. Cambaj mana ali timpu ajpis paita cuti yachachingaj rina munaira charingui.
4. Ima huras cuti paihua cuintanuna ushanara paita tapui. Cuintanuna tucurishca huasha ima huras cuti paihua cuintanuna ushashcara tapui. Maibi, ima huras Bibliamanda rimangaj saquirishcara pactachingaj ursari.
5. Mana sambayasha cati. Cuti cuti huasii pai mana tuparijpi mana lugar charij cuinta ricurijpi pai mana Bibliamanda yachangaj munanzhu nisha ama dsas iyanguichu (1 Cor. 13:4, 7). Randi, runaunara tupangaj ursarisha cati shinajpis ali iyaihua camba timpura ali utilizanara riparai (1 Cor. 9:26).
