FAANA GANA
ROSO 7
Ceeˈma Hooga
Xintu seera: “Barru barrunkunni . . . Kiristoosi Yesuusire rosiisanna Dancha Duduwo kula diagurtino.”—Soq. 5:42.
Phaawuloosi Assinore
1. VIIDIYO laˈe; woy Soqqamaasinete Looso 19:8-10 nabbabbe. Hakkiinni, aante noo xaˈmuwa hiince:
Phaawuloosi Assinorinni Maa Ronseemmo?
2. Manna wirro hasaawinse dancha guma afiˈratenna Qullaawu Maxaafi xiinxallo hanafisiisate yannanna sharro hasiissanno.
Phaawuloosi Faale Hadhe
3. Dinye manchoho injiitanno yannara amadde. Togo yitine kiˈneneeto xaˈme: ‘Roore injaannosihu mamootenna hiikko hasaawisummosirooti?’ Yiino yanna kiˈnera injiitannota ikka hoogguro nafa, hasaawisate woˈnaalle.
4. Dinye amadde. Mittu mittunku hasaawi gedensaanni, wirro xaaddine hasaawa dandiitinanni gede dinye amadde. Dinyeˈne ayirrissine xaaddine hasaawissesi.
5. Hexxo mudhitinoonte. Duucha woyite mine anfannikki manchi woy loosu batiˈrannosi manchi baalu hasatto dinooho yitine heddinoonte. (1 Qor. 13:4, 7) Hakkoye mancho xaaddine hasaawisate woˈnaalle; kayi yannaˈne mulla baˈannokki gedeno sharramme.—1 Qor. 9:26.
