NÜÜ̃ NANGÚTCHAÜ̃ẼẼ I DUÜ̃Ü̃
NGÚERUÜ̃ 7
Taṹ nüü̃ curütchau
Ucuꞌẽ: “Rü guxü̃ ga ngunexü̃gu . . . nanangúexẽẽãma, rü nüxü̃ nixugüetanü ga ore ga mexü̃.” — Pur. 5:42.
Taꞌacü Pauru naüü̃
1. Nüü̃ nadau i VÍDEO, rüeꞌna nawa naugütae Puracügü 19:8-10. Yicama, nanangãü̃ i nhaa cagü:
Taꞌacü nawa icuaꞌgüü̃ i Pauruarü cuaꞌruü̃?
2. Inawaꞌegü yigü iporaẽẽ na guü̃guma wenaarü duü̃ü̃gümaã ideagüü̃caꞌ rü itanaügüü̃caꞌ i Tupanaarü Orearü ngúe.
Paururüü̃ naü
3. Nanameẽẽ i curü tempu na nüü̃ quiadauü̃caꞌ i duü̃ü̃ ngẽguma nüü̃́ namegu. Cugüna naca: ‘Ngetá rü nhugu nüü̃ itchayangau i duü̃ü̃? Ngetá rü nhugu nüü̃́ name i duü̃ü̃ na tchamaã nideaü̃caꞌ?’ Woo tama cuü̃́ name, cugü naporaẽẽ na nüü̃ quiadauü̃caꞌ.
4. Duü̃ü̃caꞌ naca nhugu nüü̃́ name na wenaarü pegümaã pideagüü̃caꞌ. Naü̃pa na yagúü̃ i curü dea, duü̃ü̃maã nauenü i to nguneü̃ na pegümaã pideagüamaü̃caꞌ i natchiga. Rü cugü naporaẽẽ na nüü̃ icuyangauü̃caꞌ i ngoragu rü ngetá marü namaã cuuenü.
5. Taṹ nüü̃ curütchau. Taṹ nagu rüĩnü na duü̃ü̃ tama yeera nüü̃ nacuaꞌtchaü̃ erü cucaꞌ nagutcha nüü̃ icuyangau rüeꞌna erü nüma rü guü̃guma nagutchaãẽ. (1 Cor. 13:4, 7) Notürü, guü̃guma meã nangugü na meã cuyoniẽü̃caꞌ i curü tempu. — 1 Cor. 9:26.
