మళ్లీ కలిసినప్పుడు
పాఠం 7
పట్టుదల చూపించండి
సూత్రం: ‘వాళ్లు మానకుండా బోధిస్తూ, మంచివార్తను ప్రకటిస్తూ ఉన్నారు.’—అపొ. 5:42.
పౌలు ఏం చేశాడు?
1. వీడియో చూడండి, లేదా అపొస్తలుల కార్యాలు 19:8-10 చదవండి. తర్వాత ఈ ప్రశ్నల్ని చర్చించండి:
పౌలు నుండి మనం ఏం నేర్చుకోవచ్చు?
2. రిటన్ విజిట్లు బాగా చేయాలన్నా, బైబిలు స్టడీలను మొదలుపెట్టాలన్నా సమయం, కృషి అవసరం.
పౌలులా ఉందాం
3. వాళ్లకు అనుకూలమైన టైంలోనే కలవండి. ఇలా ప్రశ్నించుకోండి: ‘ఈ వ్యక్తిని ఎప్పుడు, ఎక్కడ కలిస్తే నాతో మాట్లాడడానికి ఇష్టపడతాడు?’ మీకు అనుకూలంగా లేకపోయినా, వాళ్లు చెప్పిన టైంకే మళ్లీ కలవడానికి ప్రయత్నించండి.
4. మళ్లీ ఎప్పుడు కలవచ్చో అడగండి. మీరు మాటలు ముగించిన ప్రతీసారి, మళ్లీ ఏ టైంకి కలవచ్చో అడగండి. మీరు ఎప్పుడు, ఎక్కడ కలవాలని అనుకున్నారో ఆ టైంకి అక్కడ ఉండేలా చూసుకోండి.
5. ఆశ వదులుకోకండి. ఇంటి వ్యక్తి ఎక్కువగా ఇంట్లో ఉండడం లేదని, బాగా బిజీగా ఉంటున్నాడని మీరు గమనిస్తే ఆయనకు ఆసక్తి లేదనే ముగింపుకు రాకండి. (1 కొరిం. 13:4, 7) అయితే ఆయన్ని కలవడానికి పట్టుదలగా ప్రయత్నిస్తూనే, మీరు మీ సమయాన్ని వృథా చేసుకోకుండా జాగ్రత్తపడండి.—1 కొరిం. 9:26.