Skip to content

Skip to table of contents

Amunjile (opens new window)
Amuyandaule a JW.ORG

KUPILUKILA

Mil. 19:8-10

CIIYO 7

Kuzumanana

Kuzumanana

Njiisyo: “Bakazumanana cakutaleka kuyiisya akwaambilizya makani mabotu.”—Mil. 5:42.

Ncaakacita Paulo

VIDIYO: Paulo Wazumanana Kukambauka mu Efeso

1. Amweebelele VIDIYO, naa kubala Milimo 19:8-10. Mpoonya mubandike mibuzyo iitobela:

  1.    Muciindi cakucileka kukambauka ciindi bamwi nobakali kumukazya, mbuti Paulo mbwaakazumanana kugwasya baabo ibakatondezya kuba aluyandisisyo?

  2.   Ziindi zinji buti Paulo nzyaakali kupilukila kuyooyiisya baabo ibakatondezya luyandisisyo, alimwi ino wakacita oobo kwaciindi cilamfwu buti?

Ncinzi Ncotwiiya Kuli Paulo?

2. Tweelede kubelesya ciindi cesu alimwi anguzu kutegwa tucite nyendo zyakupilukila akutalisya ziiyo zya Bbaibbele.

Amumwiiye Paulo

3. Amumuswaye muntu ciindi nakonzya kujanika. Amulibuzye kuti: ‘Ndilili nondikonzya kubonana anguwe? Ndilili nakonzya kujana ciindi cakubandika andime?’ Amupilukile nokuba kuti inga kacitali ciindi cibotu kulindinywe.

4. Amumvwane ciindi ncomuyoobandika alimwi. Mwamana kubandisyanya, amumvwane ciindi cigaminide nomuyoobandika alimwi. Amube masimpe kuti mwacibamba ciindi ncomwamvwana.

5. Amuzumanane kuba abulangizi. Mutafwambaani kuyeeya kuti muntu tajisi luyandisisyo akaambo buyo kakuti tajaniki-janiki aŋanda naa ujisi bubi kapati. (1Kor. 13:4, 7) Nokuba boobo, amuzumanane kumuswaya muntu kumwi kamucibelesya kabotu ciindi canu.—1Kor. 9:26.

AMUBONE ALIMWI

Mil. 10:42; 1Kor. 9:22, 23; 2Kor. 4:1; Gal. 6:9

AMUBAYANDE BANTU​—AMUBAGWASYE KUBA BASIKWIIYA

Kuzumanana

Chitonga
Kuzumanana
https://cms-imgp.jw-cdn.org/img/p/1102023307/univ/art/1102023307_univ_sqr_xl.jpg
lmd ciiyo 7
AMUSALE NZYOMUYANDA KUDAUNILODA
Kuzumanana
Amusale naa muyanda kudauniloda zyakamwaigwa Amubayande Bantu​—Amubagwasye Kuba Basikwiiya