KUMXAN ULATANEL
SJEJEL 7
Mok eluka gana
Rason bʼa Biblia: «Mini xkʼotye tekʼan sok mi xyaʼawekan sjejel sok xcholjel ja lekil rasonik» (Hech. 5:42).
Ja jas skʼulan ja Pablo
1. Kʼela ja BIDEO ma kʼuman ja Hechos 19:8-10. Tsaʼan aʼa ja sjobʼjelik ti nochani:
¿Jasa wa xnebʼatik ja jastal skʼulan ja Pablo?
2. Bʼa lek oj wajkujtik ja bʼa kumxel ulatanel sok yajel kʼeʼuk estudioʼik wani skʼana tyempo sok skʼujolajel.
Nocho ja Pablo
3. Puesto ajyan bʼa yulatajel ja ora oj bʼobʼyuji. Jobʼo abʼaj: «¿Jas tyempo jaman ay bʼa loʼilanel jmok? ¿Bʼa lugar mas lek xyila oj kil jbʼajtikon?». Puesto ajyan bʼa kumxel yulatajel ja kristyano ama mi jaʼuk ja tyempo oj bʼobʼukawuji.
4. Jobʼoyi jas tyempo oj bʼobʼ kumxan yulatajel. Bʼajtanto oja chʼakan jawa loʼili, jobʼoyi jas kʼakʼu sok jas ora oj cha bʼobʼyuj. Sok kaʼax meran.
5. Mok eluka gana. Moka pensaraʼuk ke mi skʼana oj smaklaya ja kristyano yuja mi jel xtejkʼaji ja bʼa snaji ma yuja jel latsan ayi (1 Cor. 13:4, 7). Mok axwan sok moka wakan slejel, pe amakunuk lek jawa tyempo (1 Cor. 9:26).
