باتچیت جاری رکھنا
سبق نمبر 7
کوشش کرتے رہیں
اصول: ’وہ تعلیم دیتے رہے اور خوشخبری سناتے رہے۔‘—اعما 5:42۔
پولُس رسول کی مثال
1. ویڈیو دیکھیں یا اعمال 19:8-10 کو پڑھیں۔ پھر اِن سوالوں پر غور کریں:
ہم پولُس رسول سے کیا سیکھتے ہیں؟
2. اچھی طرح واپسی ملاقاتیں کرنے اور بائبل کورس شروع کرانے کے لیے ضروری ہے کہ ہم اِس کام میں اپنا وقت لگائیں اور محنت کریں۔
پولُس رسول کی مثال پر عمل کریں
3. اپنے شیڈول کو دوسروں کی صورتحال کے مطابق بدلیں۔ خود سے پوچھیں: ”میرے لیے اُس شخص سے کب اور کہاں ملنا آسان ہوگا؟ اُس کے لیے کب اور کہاں بات کرنا آسان ہوگا؟“ اگر وہ آپ کو ایسے وقت پر دوبارہ ملنے کے لیے بلائے جس پر ملنا آپ کے لیے مشکل ہو تو تب بھی اُس سے ضرور ملیں۔
4. دوبارہ ملنے کے لیے وقت طے کریں۔ ہر بار باتچیت کے آخر پر اُس شخص کے ساتھ دوبارہ ملاقات کا وقت طے کرنے کی کوشش ضرور کریں اور پھر اُس وقت پر اُس سے لازمی ملنے جائیں۔
5. اُمید کا دامن نہ چھوڑیں۔ یہ نہ سوچیں کہ جو شخص کبھی کبھار ہی گھر پر ملتا ہے یا اکثر مصروف رہتا ہے، اُسے آپ کے پیغام میں کوئی دلچسپی نہیں ہے۔ (1-کُر 13:4، 7) ہم چاہتے ہیں کہ ہم ایسے لوگوں کی مدد کرنے کی کوشش جاری رکھیں۔ لیکن اِس کے ساتھ ساتھ ہمیں اپنا وقت ضائع نہیں ہونے دینا چاہیے۔ —1-کُر 9:26۔
