Aggennan Maaddiyogaa

KAASSA

Geeshsha Maxaafaa Maaraa: “Eti . . . tamaarissiyoogaanne yootiyoogaa yaa gujjidosona.”—Oos. 5:42.

Phawuloosi Oottidobaa

BIIDUWA: Phawuloosi Efisoonan Deꞌiyageeta Aggennan Maaddees

1. BIIDUWA beꞌa, woy Oosuwaa 19:8-10 nabbaba. Yaatada, kaallidi deꞌiya oyshata akeeka:

Amaridaageeti eqettikkonne Phawuloosi hidootaa qanxxennan, siyanawu koyiyageeta aggennan waati maaddidee?
Phawuloosi siyanawu koyiyageeta tamaarissanawu aapputoo zaaretti zaarettidi biidee, qassi ay keena wodiyawu hegaadan oottidee?

Phawuloosappe Ay Tamaariyoo?

2. Nuuni muruta zaareto oyshawunne Geeshsha Maxaafaa xinaatiya doomissanawu nu wodiya bazzananne danddayettidabaa oottana koshshees.

Phawuloosa Milata

3. Haasayissiyo urawu injjetiya wodiyan zaaretta oychchanawu ne hanotaa giigissa. Nena hagaadan oychcha: ‘Aara gayttanawu tawu injjetiya wodeenne sohoy awugee? Tanaara haasayanawu awu keehi injjetiya wodeenne sohoy shin, awugee?’ Awu injjetiya wodee neeyyo injjettennaba gidikkonne, zaaretta oychchiyogaa aggoppa.

4. Wodiya keera. Intte haasayaa wurssiyo wode ubban, aara zaaretta gayttanawu injjetiya wodiya keera. Ne giidoogaadan, keerido wodiyaninne sohuwan aara gaytta.

5. Hidoota qanxxoppa. Issi ura A sooni demmana xayikko woy awu oosoy dariyaba gidikko, eesotada I siyanawu koyenna gaada qoppoppa. (1 Qor. 13:4, 7) He ura aggennan maaddanawu baaxeta, shin ne wodiya akeekan goꞌetta.—1 Qor. 9:26.

HA XIQISETAKKA XEELLA

Oos. 10:42; 1 Qor. 9:22, 23; 2 Qor. 4:1; Gal. 6:9

ASAA SIIQITE—ERISSIYO ASHKKARA OOTTITE