OḄILHẸ GHAN OḄULA
ESI ITUUGHẠ PHỌ 8
Okparạm
Aḍinhị-olhogh: “Ephomoghiạn eḍighi okparạm.”—1 Kọr. 13:4.
Idị AZizọs Aḍighi
1. Pogh VIDIO phọ, obobọ bạl Jọn 7:3-5 r’ 1 Korịnt 15:3, 4, 7. Kụ aaḅeghiọn sipuru phọ edaphạn bọ siẹn:
Ipẹ AZizọs Aḍighi Bọ Itughemhị Iyira Eeghe?
2. Ewạ mọ yira omhoọgh okparạm loor esi dị resighẹ ghan ni mem kụ abuniin awe ogbi omheeraam oghaạph iiḅi iinhaghạn phọ.
Tuughaạny Zizọs
3. Ḍighinhom enhọn eten. Eḍighi maạr dị oye phọ u/nuụn umeera otuughạ aBaibul phọ, pọ ka/kpaariọm nyodị. Mem dị ekpeanhaạn, ḍeenhaan nyodị sividio obobọ rumhuoghaạph dị keloghonhaạn nyodị ḍighaạgh onhaghanhạn ipẹ ituughạ aBaibul phọ rekị ghan bọ r’idị odị kamooghọm suọ.
4. Ka/tomaạm nyodị bunhọn awe. Awe ogbaranhaạn ni. Eḍighi maạr dị onyọ asiya obobọ oye dị nạ aghị otughemhị aBaibul phọ uu/gboronhom umeera otuughạ aBaibul phọ obobọ u/meeraam iyaạr dị aBaibul phọ aghaạph, wạ ni alhegheri iyaạr phọ eḍighi bọ. Emoọgh ni iyaạr dị ekụ iiḅereghị odị omheeraam dị emhạn maạr iboom esi odị ḍughụm? Odị asoman ni ikpuuroghọm ḍighaạgh asiya obobọ amatuman odị ḍughụm? Ngọ ni nyodị mem ootughiạn ipẹ nạ aghaạph bọ ḅilhẹ r’osereghiạn ipẹ aBaibul phọ aghaạph bọ.
5. Kol oye phọ aḍeenhaan bọ ḍiḅeraạn aaḅereghị. Lọm aZihova alhoghonhaạn nyinhạ ḍighaạgh oghiọm aghisigh omhiịn araraạr egey eten ḅilhẹ r’otughemhiọm ghan r’amagheel. Ḅeeḅereghị aZihova alhoghonhaạn nyinhạ ḍighaạgh olhegheri amem dị oye phọ u/kạr umoọgh ḍiḅeraạn, kụ kemoghi osiemhi eekunha ituughạ phọ.—1 Kọr. 9:26.