WANƆ TRƆTRƆYIWO NYWIÐE
ENUKPLAKPLA 8
Gbɔnnɔ ji ɖɛ
Gɔnmɛɖose: “Lɔnlɔn gbɔnnɔ eji ɖɛ blɛwu.” —1 Kor. 13:4.
Lé Yesu Wɛ Do
1. Kpɔ VIDEO lɔ, alo hlɛn Ʒan 7:3-5 koɖo 1 Korɛntitɔwo 15:3, 4, 7. Le yi goduɔ, gbeje enyɔbiɔse ciwo yí gbɔgbɔ mɛ:
Nyi Mìkpla So Yesu Kpɔwɛ Lɔ Mɛɔ?
2. Ele mɔ mìagbɔnnɔ ji ɖɛ, ɖo exɔnɔ gamɛ gbɔxwe mɛɖewo vaxɔnɔ ŋɛnywi lɔ.
Sran Yesu Kpɔwɛ
3. Zan alɔkpa bu. Nɔ mɛ lɔ dexɔ gbe do ji yí akpla Bibla kaakaɔ, gbetɛ do ji o. Nɔ anya wawaɔ, zan video alo nyɔta ɖe yí asɔ kpedonu nɔ amɔŋje lé wowanɔ Bibla nukplakpla do koɖo ele ci akpɔ so mɛ.
4. Ŋgbesɔ amowo sɔnɔ koɖo nɔnɔ o. Mìto akpo nɔ nɔnɔ. Nɔ ao xomumɛtɔ ɖe alo trɔtrɔyi aotɔ ɖe desɔkɔ gbeta ɖe teŋ so Bibla kplakpla nu o alo dexɔkɔ gbe do Bibla nukplamu ɖe jiɔ, bu tamɛ kpɔ so enu ci gbɔ yí atɛnŋ aso nu. Yi sɛnsɛn nukplamu ɖe yí le veviɖe nia? Yi mɛwo koɖo yi xwexatɔwo yí tɛtɛdo jia? Gbɔn ji ɖɛ ni nɔ abu tamɛ kpɔ so enyɔ ciwo mìnu nu nɔ ado jeshi kpɛnkpɛnmɛ ci yí le Bibla nukplamuwo nu.
5. Donɔ gbe ɖaɖa nɔ mɛ ci yí sɔ ɖe le ji. Biɔ Yehowa nɔ akpedo eo nu nàkpɔtɔ ale mɔkpɔkpɔ mɛ koɖo nunya. Do gbe ɖaɖa nɔ Yehowa yí abiɔ nugɔnmɛsese keŋ anya hwenu àɖo te nukplakpla koɖo mɛ ci yí desɔ eɖe le ji ahan o.—1 Kor. 9:26.
