КУУЧЫНДЫ УЛАЛТЫГАР
8 УРОК
Чыдамкай болоры
Библиялык принцип: «Сӱӱш чыдамкай» (1 Кор. 13:4, ЈТ).
Иисус нени эткен?
1. ВИДЕО кӧрӱгер эмезе Иоанн 7:3—5 ле 1 Коринфтегилерге 15:3, 4, 7 кычырыгар. Оноҥ бу сурактарды шӱӱп сананыгар:
Иисустаҥ неге ӱренедис?
2. Биске чыдамкай болор керек, нениҥ учун дезе кезик улуска чындыкты алынарга кӧп ӧй керек болот.
Иисустаҥ тем алыгар
3. Башка-башка эп-аргалар тузаланыгар. Кижи Агару Бичикти ӱренерге јӧпсинбей турза, албадабагар. Айалга келишкедий болзо, Агару Бичикти нениҥ учун ӱренер керек ле ӱредӱ канайып ӧткӱрилип турганы керегинде видеолор эмезе јӧрмӧлдӧр кӧргӱзигер.
4. Улусты тӱҥдештирбегер. Кажы ла кижи башка. Билегердиҥ кижизи эмезе Агару Бичикле јилбиркеп турган кижи ӱренерге кӱӱнзебей турган эмезе кандый бир ӱредӱле јӧпсинбей турган болзо, мыныҥ шылтагы неде деп сананыгар. Ол кандый бир јастыра ӱредӱге тыҥ бӱдӱп турган болор бо? Ол эмезе оны тӧрӧӧндӧри эмезе айылдаштары токтодып турган ба? Кижиге слердиҥ сӧстӧрӧӧрди оҥдоорго ло Агару Бичиктеги чындыкты баалап баштаарга, ӧй керек деп ундыбагар.
5. Мӱргӱгер. Кижинеҥ чӧкӧбӧй, оныҥ кӱӱнин ӧчӱрбеске, Иегованаҥ болуш сурагар. Анайда ок ого оноҥ ары келетен бе, јок по деп оҥдоорго база болуш сурагар (1 Кор. 9:26).
